Carlos Queiroz, þaulreyndur landsliðsþjálfari Írans, gerir þrjár breytingar á byrjunarliðinu sem lagði Marokkó að velli með einu marki gegn engu.
Íran mætir Spánverjum í síðasta leik dagsins á Heimsmeistaramótinu og er nokkuð ljóst að Íranar þurfa að taka á honum stóra sínum.
Fernando Hierro gerir tvær breytingar á spænska liðinu sem gerði 3-3 jafntefli við Portúgal.
Dani Carvajal er búinn að ná sér af meiðslum og tekur stöðu Nacho í hægri bakverði. Nacho skoraði glæsilegt mark gegn Portúgölum.
Þá kemur Lucas Vazquez inn í liðið í stað Koke og er nokkuð ljóst að Spánverjar eru mættir í þennan leik til að blása til sóknar.
Íran: Beiranvand, Rezazeian, Hosseini, Pouraliganji, Hajsafi, Ezatolahi, Ebrahimi, Taremi, Amiri, Ansarifard, Azmoun.
Spánn: De Gea, Alba, Ramos, Pique, Carvajal, Iniesta, Busquets, Vazquez, Isco, Silva, Costa.
Athugasemdir
