Cristiano Ronaldo, fyrirliði Portúgal skoraði eina mark leiksins í sigri Portúgala gegn Marokkó í B-riðli heimsmeistaramótsins í dag.
Markið var hans 85. fyrir landsliðið og hefur hann núna skorað fleiri landsliðsmörk heldur en nokkur annar evrópskur leikmaður.
Markið var hans 85. fyrir landsliðið og hefur hann núna skorað fleiri landsliðsmörk heldur en nokkur annar evrópskur leikmaður.
„Ég er mjög ánægður. Mikilvægasta var að vinna leikinn, ná í stigin þrjú. Ef við hefðum tapað hefðum við getað verið í vandræðum. Við vissum að Marokkó myndu reyna allt sem þeir gætu" sagði Ronaldo eftir leikinn í dag.
Með markinu í dag komst Ronaldo fram úr goðsögninni Ferenc Puskas en hann skoraði 84 mörk fyrir Ungverjaland og Spán á miðri síðustu öld.
Ronaldo er nú orðinn næst markahæsti landsliðsmaður allra tíma. Markahæsti landsliðsmaður allra tíma er Íraninn Ali Daei sem skoraði 109 mörk.
Ali Daei lék með Íran á árunum 1993 til 2006.
Sigurinn hjá Portúgal setur liðið í góða stöðu fyrir lokaumferðina en liðið er nú á toppi riðilsins fyrir lokaumferðina. Þegar þetta er skrifað er leikur Spánar og Íran í gangi og er stsaðan 0-0 en það er seinni leikur annarrar umferðar í B-riðli.g
Athugasemdir