Afturelding gerði sér góða ferð suður með sjó þegar þeir mættu á Rafholtsvöllinn og heimsóttu Njarðvíkinga í 8.Umferð Inkasso deildarinnar nú kvöld. Mosfellingarnir fóru með sigur af hólmi þegar þeir sigruðu heimamenn með tveimur mörkum gegn engu.
Lestu um leikinn: Njarðvík 0 - 2 Afturelding
„Ánægja og gleði fyrir hönd strákanna að liðið skyldi sína svona mikla samheldni og seiglu í þessum erfiða leik við þessar aðstæður, þær buðu ekki upp á fallegan fótbolta en það reyndi þeim mun meira á liðsheildina, samheldnina, vinnusemina og við áttum hana til í dag, það var það sem fleytti okkur í gegnum þennan hjall og ég er hrikalega ánægður með að sjá þessi viðbrögð hjá liðinu í þessum leik." Sagði Arnar Hallsson þjálfari Aftureldingar eftir leik í kvöld.
Jafnræði hafði verið með liðunum framan af en þá gerðu Mosfellingar skiptingu sem átti eftir að skipta sköpum.
„Þetta er bara þannig að þetta er liðsíþrótt og það eru ekki bara þeir sem byrja leikinn heldur líka þeir sem fyrir utan sitja og þeir komu alveg virkilega frískir inn strákarnir og ætluðu sér að bæta einhverju við leikinn og gerðu það svo sannarlega og það er mjög ánægjulegt."
„Það er þannig í fótboltanum að ef maður leyfir sér að fara allt of hátt að þá er vesen og ef maður leyfir sér að fara allt og lágt þegar leikir tapast þá er vesen, við erum kátir núna og við erum ánægðir með það sem gerðist hér í kvöld en við förum síðan að sofa og svo vöknum við á morgun og byrjum bara aftur fyrir næsta leik."
„Að vinna fótboltaleiki er ómetanlegt þegar maður er að leggja alla þessa vinnu í þetta og maður er að fórna miklu og þessir strákar fórna miklu það er ekki bara tími heldur fjarvera frá fjölskyldu og vinum og menn eru að setja allt sem þeir eiga í þetta fyrir ekkert nema ánægjuna þannig það að slíta þrjú stig út að það gefur þessu gildi og það gerir það að verkum að öll þessi vinna og allar þessar fórnir hafi einhverja merkingu vegna þess að þegar þú kemur með ekkert út úr þessu þó svo við höfum spilað vel að því mér fynnst í mörgum leikjum til þessa að þá höfum við haft ekkert út úr þeim og það rænir ánægjuna af framförum og það rænir ánægjuna af því sem er verið að gera."
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir