Haukar þurftu að sætta sig við tap á heimavelli í hörkuleik á móti Leikni R. í kvöld. Haukar sitja því í fallsæti með einungis 6 stig eftir 8 umferðir.
Lestu um leikinn: Haukar 1 - 2 Leiknir R.
Búi Vilhjálmur Guðmundsson bráðabirgðastjóri Hauka hafði ekki mikið að segja um frammistöðu sinna manna í kvöld.
„Við komum vanstilltir inn í þennan leik, við byrjuðum vel en náðum ekki að gíra okkur upp til að fylgja eftir góðum sigri seinast.“
Búi tók við liðinu núna eftir Kristján Ómar Björnsson sagði upp störfum í lok Maí. Búi gat lítið sagt um framtíð sína annað en að það kæmi í ljós hvort hann muni stýra liðinu út tímabilið.
Frammistaða dómara leiksins var svolítið á milli tannanna á mönnum eftir leik en Sean De Silva fékk meðal annars að líta rautt spjald undir lok leiks.
„Ég sá klárlega brot í báðum spjöldunum en mjög soft í bæði skiptin, það er spurning hvar dómarar eiga að draga mörkin. Við þjálfarar og leikmenn gagnrýnum okkur eftir leiki og ég vona að dómarinn fari líka í einhverja sjálfskoðun eftir þenann leik því ef þetta á að vera í boði í sumar þá veit ég ekki hvernig þetta endar.“
Athugasemdir