Í kvöld var dregið í 1. umferð deildabikarsins. Þar mætast lið í ensku Championship deildinni, League 1(þriðju efstu deild) og League 2(fjórðu efstu deild). Í næstu umferð koma inn þau lið í úrvalsdeildinni sem taka ekki þátt í Evrópukeppni.
Það helsta í þessum drætti er að Salford City, lið í eigu 92 árgangsins fræga hjá Manchester United, tekur á móti Leeds. Phil Neville, Gary Neville, Nicky Butt, Paul Scholes, Ryan Giggs og David Beckham eiga allir 10% hlut í Salford félaginu.
Salford komst upp í League 2 í vor eftir gott gengi í utandeildunum undanfarin ár.
Þá mætir Reading, lið Jóns Daða Böðvarssonar, liði Wycombe Wanderers á útivelli og Brentford, lið Patriks Sigurðar Gunnarssonar, fær Cambridge í heimsókn.
Dráttinn má sjá hér að neðan en hann er tvískiptur eftir landssvæðum. Leikirnir verða leiknir í þriðju vikunni í ágúst.
The Carabao Cup Round One draw has been confirmed, the ties will be played w/c 12 August. #EFL | #CarabaoCup pic.twitter.com/6i8htXqW2V
— Carabao Cup (@Carabao_Cup) June 20, 2019
Welcome back into my life Leeds United . Not seen you for 15 years 🤷🏻♂️ https://t.co/FIV6IM33du
— Gary Neville (@GNev2) June 20, 2019
Athugasemdir