Riðlakeppnin á HM kvenna í Frakklandi klárast í dag með fjórum leikjum. Leikið er í E- og F-riðli.
Í E-riðlinum mætast Holland og Kanada annars vegar og Kamerún og Nýja-Sjáland hins vegar. Fyrir leikina eru Kanada og Holland með sex stig á meðan hin tvö liðin eru án stiga.
Holland og Kanada eru því komin áfram í 16-liða úrslitin, en leikur Kamerún og Nýja-Sjálands er þó mikilvægur þar sem fjögur lið með góðan árangur í þriðja sæti í riðlakeppninni fara einnig áfram í 16-liða úrslit.
Í F-riðli er sama staða í gangi. Bandaríkin og Svíþjóð mætast, bæði lið með sex stig. Tæland og Síle eru án stiga og mætast.
Í kvöld mun það skýrast hvaða lið eigast við í 16-liða úrslitunum.
fimmtudagur 20. júní
E-riðill
16:00 Holland - Kanada (RÚV)
16:00 Kamerún - Nýja-Sjáland (RÚV 2)
F-riðill
19:00 Svíþjóð - Bandaríkin (RÚV 2)
19:00 Tæland - Síle
Athugasemdir