Heimir Guðjóns ræðir við Orra Sigurð fyrir viku síðan.
„Mér fannst við spila betri fótbolta í þessum leik. Þorðum að spila boltanum á móti vel skipulögðu Gróttuliði. Það var fínt að fá þrjú stig á erfiðum útivelli," sagði Heimir Guðjónsson, þjálfari Vals eftir öruggan sigur sinna manna gegn Gróttu í 2. umferð Pepsi Max-deildarinnar.
Lestu um leikinn: Grótta 0 - 3 Valur
„Við vissum að þetta væri smá spenna í Gróttuliðinu þar sem þetta er fyrsti heimaleikur liðsins í deildinni og ákváðum að pressa þá aðeins frá byrjun. Eftir að við skoruðum fyrstu tvö mörkin höfðum við góða stjórn á leiknum."
Er jákvætt fyrir Heimi að leikmenn sem voru gagnrýndir fyrir frammistöðu sína í fyrstu umferðinni komu vel stemmdir inn í leikinn í dag?
„Ég er búinn að gleyma hverjir voru gagnrýndir en það var fínt að fá þrjá punkta. Við þurfum að halda áfram að vinna í okkar málum á æfingasvæðinu."
Valur mætir SR í bikarnum í næsta leik. Með SR leika Björgólfur Takefusa og Hjörtur Hjartarson. Hvernig líst Heimi á þann leik?
„Mér líst vel á það, það verður hörku leikur. Ég spilaði fótbolta með Bjögga í vetur, hann er í þvílíku standi. Ég þarf að tala við varnarmennina fyrir þann leik."
Heimir var að lokum spurður hvort það kitli að taka fram skóna fyrir þann leik. Allt viðtalið má sjá í sjónvarpinu hér að ofan.
Athugasemdir
