„Mér fannst við hafa töluverða yfirburði í leiknum lengst framan af'' sagði Jón Þórir Sveinsson þjálfari Fram eftir sigur á Leikni Fáskrúðsfirði í dag.
Lestu um leikinn: Fram 3 - 0 Leiknir F.
„2-0 í hálfleik og skoruðum fljótlega þriðja markið, aldrei í hættu. Skora 3 og halda hreinu, maður getur ekki beðið um mikið meira í fyrsta leik''
Brasilíumaðurinn Fred var besti maður vallarins í dag. Hann skoraði tvö mörk og eru flestir á því Fram hafi gert mjög vel í því að halda honum fyrir þetta tímabil. Jón tók undir það
„Ekki spurning, hann er mikilvægur hlekkur í okkar liði. Frábær fótboltamaður og getur gert hluti sem skipta sköpum''
Fram endaði í 6.sæti í fyrra. Í ár hafa flestir spáð þeim því að enda á svipuðum slóðum. Að sögn Jóns ætla þeir sér þó hærra í ár og telja sig geta farið upp. Það var ansi þéttur pakki í sætum 3-7 í fyrra og Jón á von á svipuðu í ár
„Ég á alveg eins von á því núna að það verði tiltölulega þéttur pakki að berjast um það að fara upp
Athugasemdir