Lestu um leikinn: Njarðvík 3 -  1 Völsungur

Mikið hefur verið rætt og ritað um tilkomu Mikaels til Njarðvíkur en eins og flestir vita er hann mikilvægur partur af Dr.Football teyminu, einu vinsælasta hlaðvarpi landsins og því kannski meiri pressa og fleirri augu sem beinast að Njarðvíkurliðinu í sumar og því léttir að byrja fyrsta leik á þrem góðum stigum.
„Jájá, við eigum líka þau lið sem er spáð upp Selfoss og Kórdrengi, þeim er spáð upp úr þessari deild, eðlilega kannski með hörkulið bæði en við eigum þau bæði á útivelli í næstu tveimur leikjum, Selfoss á laugardaginn og svo Kórdrengi í kjölfarið í Safamýrinni þannig þess heldur var mjög mikilvægt að komast á blað og við ætlum líka að verja okkar heimavöll og ætlum ekkert að tapa mörgum stigum hér þannig það var mjög mikilvægt að ná þessum þrem stigum fyrir næstu leiki."

Njarðvíkingar hafa átt í smá basli með að verja heimavöllinn síðustu ár en Mikael er bjartsýnn á að breyta því.
„Nei, við þurfum þá að breyta því, ég er ekki alveg með tölfræðina þarna á hreinu en við þurfum að breyta því en auðvitað ætlum við að reyna vinna alla leiki sem við förum í sama hvot þeir séum heima eða úti en við eigum ekki að vera tapa hér að mínu mati mikið af leikjum og vonandi ekki neinum og þetta allavega gekk ágætlega í dag og menn voru að berjast og leggja sig fram sem við höfum kannski ekki verið að gera alveg nógu vel undanfarið en núna var það kannski fyrsti leikurinn sem skipti mjög miklu máli á mjög löngu undirbúningstímabili og búnir að bíða í einhverja átta mánuði eftir þessum leik og svo kom hann og þá allavega sýndu menn að þeir vilja þetta og við unnum sanngjarnt."

„Stefnan í sumar er að spila skemmtilegan fótbolta og auðvitað er stefnum við á að vera í toppbaráttunni, við teljum okkur vera með lið til að vera í toppbaráttunni og ef menn verða með hausinn í lagi þá verðum við þar en það eru allir leikir mjög erfiðir í þessari deild."

Aðspurður um frekari breytingar á hópnum staðfesti Mikael að það er von á Írskum leikmanni sem verður vonandi klár fyrir næsta leik gegn Selfoss.
„Það kemur einn nýr leikmaður í kvöld, Írskur leikmaður sem lendir hérna í kvöld, örvfættur, vinsti bakvörður/kanntur og eftir að hann kemur og verður væntanlega kominn með leikheimild fyrir leikinn á móti Selfoss, vonandi kemst hann vel í gegnum covid testið á Leifsstöð í kvöld, þá ætti hann að vera kominn með leikheimild á móti Selfoss og það verður væntanlega síðasti leikmaðurinn sem við fáum."

Viðtalið í heild sinni er aðgengilegt hér í spilaranum fyrir ofan.