KA 0 - 0 Víkingur R.
Fyrsti markalausi leikurinn í Pepsi Max-deild karla árið 2020 var spilaður á Akureyri rétt í þessu þegar KA og Víkingur R. skildu jöfn og engin mörk voru skoruð.
Báðir markverðir tóku góðar vörslur í fyrri hálfleik, Ingvar gerði vel í að verja skalla frá Ívari Erni og Aron Dagur varði frábærlega frá Óttari Magnúsi í dauðafæri þegar lítið var eftir fyrri hálfleiknum.
Þessi leikur enkenndist af mikilli baráttu og ekki mikið um dauðafæri. Víkingar sóttu meira og KA-menn vörðust þétt í fimm manna varnarlínu.
Óttar Magnús tók aukaspyrnu úr þröngu færi í síðasta leik gegn Fjölni sem hann skoraði úr. Í dag tók hann aukaspyrnu af góðu færi fyrir utan teig sem fór hátt yfir markið. Boltinn vildi ekki í markið í þessum leik og skrifaði Daníel Smári Magnússon á 90. mínútu: „Þetta hefur verið mjög gæðalítið í seinni hálfleik. Steindautt satt að segja."
Lokatölur 0-0 og eru Víkingarnir, sem stefna á að berjast á toppnum, með tvö stig eftir tvo leiki. KA-menn eru með eitt stig.
Það eru tveir aðrir leikir í dag og hefst leikur Gróttu og Vals eftir um 20 mínútur.
Beinar textalýsingar:
15:45 Grótta - Valur
18:00 KR - HK.
Athugasemdir