Þór/KA 4 - 0 ÍBV
1-0 Margrét Árnadóttir ('18 )
2-0 Arna Sif Ásgrímsdóttir ('21 )
3-0 Margrét Árnadóttir ('33 )
4-0 Karen María Sigurgeirsdóttir ('45 )
Lestu nánar um leikinn
1-0 Margrét Árnadóttir ('18 )
2-0 Arna Sif Ásgrímsdóttir ('21 )
3-0 Margrét Árnadóttir ('33 )
4-0 Karen María Sigurgeirsdóttir ('45 )
Lestu nánar um leikinn
Þór/KA fer heldur betur vel af stað í Pepsi Max-deild kvenna, en liðið rúllaði yfir ÍBV í blíðunni á Akureyri í dag.
Margrét Árnadóttir kom Þór/KA yfir á 18. mínútu og stuttu síðar skoraði fyrirliði liðsins, Arna Sif Ásgrímsdóttir, annað markið. Margrét skoraði sitt annað mark á 33. mínútu og er hún nú þegar búin að jafna markafjölda sinn yfir flest mörk skoruð á einu tímabili í Pepsi Max-deildinni, eða tvö mörk.
Karen María Sigurgeirsdóttir skoraði fjórða mark Þórs/KA fyrir leikhlé og leikurinn í raun og veru búinn. Þór/KA landaði sigrinum í seinni hálfleiknum og lokatölur 4-0.
Þór/KA skellir sér með þessum sigri fyrir ofan Breiðablik, Fylki og Val á markatölu. Þessi lið eru öll með sex stig eftir tvo leiki. ÍBV er með þrjú stig eftir sigur á Þrótti í fyrstu umferð. Þór/KA var fyrir tímabil spáð í neðri hluta deildarinnar í flestum spám, en Akureyrarliðið virðist ætla að blása á þær spár.
Ég ætla bara hér með að biðja @thorkastelpur afsökunar! Þær eru mun betri en ég gat ýmindað mér. Stelpur eins og Karen María og Margrét Árna og María ólafsd. Eru greinilegar tilbúnar að taka ábyrgð. Megið senda mér Þór/Ka sokk til að narta í #fotboltinet https://t.co/KFG2LUgoGj
— Orri Rafn Sigurdarson (@OrriRafn) June 20, 2020
Athugasemdir