Fjórir leikir fóru fram í dag í spænsku La Liga. Getafe og Atletico Madrid voru fyrir leiki dagsins þau tvö lið sem voru í hvað mestri Evrópubaráttu af þeim liðum sem léku í dag.

Getafe missteig sig á heimavelli gegn Eibar. Heimamenn í Getafe komust yfir eftir hálftíma leik en Charles jafnaði leikinn fyrir gestina og dýrmæt tvö stig í súginn fyrir Getafe.

Atletico vann 0-5 gegn Osasuna í síðustu umferð og í kvöld hélt sigurgangan áfram. Vitolo var hetja heimamanna í Atletico gegn Valladolid. Vitolo skoraði sigurmarkið átta mínútum eftir að hafa komið inn á sem varamaður. Hann skoraði með skalla og markið var skoðað í VAR, engin rangstaða var niðurstaðan.

Úrslitin má sjá hér að neðan sem og stöðuna í deildinni.