Viðar Örn Kjartansson kom inn á sem varamaður hjá liði sínu Yeni Malatyaspor í tyrknesku Super Lig í dag.
Viðar kom inn á 56. mínútu og þá leiddi Yeni með einu marki geg einu. Á 76. mínútu jöfnuðu gestirnir með marki úr vítaspyrnu en tveimur mínútum síðar skoraði Viðar það sem reyndist vera sigurmarkið.
Viðar kom inn á 56. mínútu og þá leiddi Yeni með einu marki geg einu. Á 76. mínútu jöfnuðu gestirnir með marki úr vítaspyrnu en tveimur mínútum síðar skoraði Viðar það sem reyndist vera sigurmarkið.
Markið er annað mark Viðars fyrir Yeni en hann gekk í raðir félagsins undir lok janúar-gluggans. Yeni er í 14. sæti, tveimur stigum fyrir ofan fallsæti.
Sigur Yeni var fyrsti sigur liðsins síðan í deildinni á þessu ári. Siðasti deildarsigur kom gegn Besiktas þann 15. desember, ansi langþráð!
Yeni Malatyaspor 2 - 1 Goztepe
Í grísku Ofurdeildinni lék Sverrir Ingi Ingason allan leikinn í 3-1 sigri PAOK á OFI Crete í Meistarariðlinum, búið er að skipta deildinni upp í tvo hluta. PAOK er sextán stigum á eftir Olympiakos sem er á toppi riðilsins. Efstu tvö liðin fara í Meistaradeildina.
PAOK 3 - 1 OFI Crete
Í Búlgaríu lék Hólmar Örn Eyjólfsson allan leikijnn í liði Levski Sofia sem heimsótti granna sína í CSKA Sofia í dag. Leikurinn endaði með 3-3 jafntefli og fékk Hólmar að líta gula spjaldið á 57. mínútu. Levski er í þriðja sæti Meistarariðilsins, tólf stigum frá toppsætinu og stigi fyrir neðan CSKA sem situr í 2. sæti.
CSKA Sofia 3 - 3 Levski Sofia
Í Noregi sat Dagur Dan Þórhallsson allan tímann á bekknum þegar Mjondalen gerði 0-0 jafntefli gegn Sarpsborg í Eliteserien, efstu deild.
Mjondalen 0 - 0 Sarpsborg
Í Rússlandi steinlá CSKA Moskva gegn Zenit, 0-4 á heimavelli. Arnór Sigurðsson var í byrjunarliði CSKA og lék fyrstu 65 mínúturnar. Hörður Björgvin Magnússon byrjaði á bekknum og kom inn á í hálfleik. CSKA er í 5. sæti deildarinnar.
CSKA Moskva 0 - 4 Zenit
Að lokum vann Aarhus Fremad, með Elías Rafn Ólafsson milli stanganna, frekar óvæntan heimasigur gegn Helsingor í baráttunni um að komast upp í næstefstu deild í Danmörku.
Helsingor er í toppsætinu en Fremad minnkaði forskotið niður í tvö stig þegar þrjár umferðir eru eftir. Einungis efsta liðið í deildinni fer upp og er Helsingor áfram í bílstjórasætinu.
Aarhus Fremad 1 - 0 Helsingor
Another 3 points & a clean sheet from Elías Rafn Ólafsson (@EliasRafn) with @Aarhus_Fremad. Now only 2 points from the top & direct promotion to @NordicBetLigaen 🇮🇸⭐️🙌 https://t.co/3ATEPGLl57
— Magnus Agnar Magnusson (@totalfl) June 20, 2020
Athugasemdir