Son Heung-min er búinn að skrifa undir nýjan samning við Tottenham eftir að hafa átt frábært tímabil með þeim.
Son er 26 ára gamall og var í algjöru lykilhlutverki á síðasta tímabili þar sem hann skoraði 18 mörk og lagði 11 upp í öllum keppnum.
Samningur Son, sem skoraði tvö mörk í þremur leikjum á HM með Suður-Kóreu, er til fimm ára og rennur því ekki út fyrr en 2023.
Son er fjölhæfur sóknarmaður sem er jafnvígur á hægri og vinstri. Hann er yfirleitt notaður á kantinum hjá Tottenham þar sem hann er í baráttu við Erik Lamela og Lucas Moura um byrjunarliðssæti.
Athugasemdir