Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 20. júlí 2018 23:30
Ívan Guðjón Baldursson
Svartur leikmaður Torpedo látinn fara eftir mótmæli
Mynd: FC Torpedo Moscow
FC Torpedo Moscow sem leikur í C-deild í Rússlandi fékk Erving Botaka-Yoboma á frjálsri sölu á dögunum. Botaka-Yoboma fæddist í Afríku en ólst upp í Rússlandi. Hann er dökkur á hörund.

Það leist stuðningsmönnum Torpedo alls ekki á og mótmæltu þeir á samfélagsmiðlum. Mótmælin vöktu mikla reiði og fordæmdi forseti félagsins þau, en nokkrum dögum síðar var samningi Botaka-Yoboma rift.

Þetta er einkar sláandi því leikmaðurinn kom upp í gegnum unglingastarf Torpedo. Hann hélt til Solyaris Moscow og svo til stórveldisins Lokomotiv Moscow, þar sem hann fékk þó ekki tækifæri. Botaka-Yoboma hélt hann væri að snúa aftur heim, en svo reyndist ekki.

Botaka-Yoboma er 19 ára varnarmaður sem hefur spilað 24 leiki í rússnesku C-deildinni.
Athugasemdir
banner
banner
banner
banner