lau 20. júlí 2019 08:00
Guðmundur Aðalsteinn Ásgeirsson
Hinn fertugi Pizarro: Mitt síðasta ár, það er klárt mál
Claudio Pizarro.
Claudio Pizarro.
Mynd: Getty Images
Sóknarmaðurinn Claudio Pizarro segir að næsta tímabil verði hans síðasta sem fótboltamaður.

Pizarro verður 41 árs í október, en hann skrifaði undir nýjan samning við þýska úrvalsdeildarfélagið Werder Bremen eftir síðustu leiktíð. Á síðasta tímabili skoraði hann sjö mörk í 30 leikjum í öllum keppnum.

„Þetta er mitt síðasta ár, það er klárt mál," sagði Pizarro að því er kemur fram á Goal.com.

Í heildina á hann 766 leiki að baki á ferlinum, 626 þeirra fyrir FC Bayern og Werder Bremen.

Hann gekk í raðir Bremen í fyrra og var það í fjórða sinn á ferlinum sem hann skrifaði undir samning við félagið.
Athugasemdir
banner
banner
banner