Ragnar Sigurðsson lék allan leikinn fyrir Rostov er liðið náði dramatísku jafntefli á heimavelli gegn Spartak Moskvu í rússnesku úrvalsdeildinni í kvöld.
Rostov komst yfir á 23. mínútu, en var aðeins með forystuna í tvær mínútur. Brasilíumaðurinn Luiz Adriano jafnaði fyrir Spartak úr vítaspyrnu.
Staðan var 1-1 í hálfleik. Eftir um 20 mínútur í seinni hálfleiknum komst Spartak yfir þegar Georgiy Dzhikiya skoraði. Það virtist ætla að reynast sigurmarkið þangað til Rostov skoraði í uppbótartímanum og jafnaði.
Rostov vann fyrsta deildarleik sinn á tímabilinu gegn Orenburg og er því með fjögur stig eftir tvær umferðir.
Eins og áður kemur fram spilaði Ragnar allan leikinn í vörn Rostov. Björn Bergmann Sigurðarson var allan tímann á varamannabekknum.
Sjá einnig:
Rússland: Arnór með stórkostlegt mark í sigri CSKA
Athugasemdir