Andri og Birkir í leik hjá ÍBV í sumar
"Sáttur. Ánægður með þetta. Pínu óöruggur með fyrri hálfleikinn eða fannst þær þokkalega vera að pressa á okkur en fannst í seinni hálfleik ekkert benda til þess að þær væru að fara að jafna þennan leik." sagði Andri Ólafsson þjálfari ÍBV eftir 1-0 útisigur á FH í kvöld.
ÍBV hefur ekki unnið leik síðan í fyrstu umferð og er því sigurinn í kvöld langþráður.
"Heldur betur, erum ekki búin að vinna núna í fjórum leikjum. Bara geggjað að koma hingað og halda hreinu og klára leikinn."
ÍBV hefur ekki unnið leik síðan í fyrstu umferð og er því sigurinn í kvöld langþráður.
"Heldur betur, erum ekki búin að vinna núna í fjórum leikjum. Bara geggjað að koma hingað og halda hreinu og klára leikinn."
Lestu um leikinn: FH 0 - 1 ÍBV
Það voru gríðarlega miklar breytingar á liði ÍBV eftir síðasta tímabil og nánast um nýtt lið að ræða. Andra finnst þetta vera að pússlast vel saman.
"Við erum ekki með soldið nýtt lið, við erum bara með nýtt lið. En við erum bara ánægðar og við vitum að þetta tekur tíma, þetta er ekki bara einhver eins árs uppbygging. Vonandi að við getum bætt aðeins ofan á þetta, við fáum allavega nóg af færum í dag finnst mér til að skora fleiri mörk." sagði Andri
Næsti leikur ÍBV er gegn Selfoss eftir rúma viku. Andra líst mjög vel á það.
"Hrikalega gaman. Leikur í Eyjum á móti Selfoss og Alfreð vini mínum, mér hlakkar til." sagði Andri að lokum.
Athugasemdir
