Ake, sem er 25 ára gamall, hefur tekist að festa sig í sessi í vörn Bournemouth síðustu árin en frammistaða hans þar hefur skilað honum sæti í hollenska landsliðinu.

Gengi Bournemouth hefur verið afar slakt á þessu tímabili og er útlit fyrir að félagið falli niður í B-deildina. Félagið mun missa öfluga leikmenn frá sér í sumar en Ake er á útleið samkvæmt Guardian.

Manchester City er í viðræðum við Bournemouth um Ake en talið er að City greiði 35 milljón punda fyrir þjónustu hans.

Ole Gunnar Solskjær, knattspyrnustjóri Manchester United, hefur gert sér vonir um að fá Ake til félagsins en nú er útlit fyrir að hann gangi til liðs við nágranna þeirra á næstu dögum.