„Kristján Flóki er fyrir Aroni Snæ markverði og er í rangstöðu. Hann blokkar útsýnið. Það mark hefði ekki átt að standa," sagði Elvar Geir Magnússon í Innkastinu í gær.

Fylkismenn voru einnig ósáttir við þriðja markið þar sem þeir vildu fá hendi á KR-inga.

Ólafur Ingi Skúlason, þjálfari Fylkis, fékk að líta rauða spjaldið eftir leik fyrir mótmæli við Helga Mikael Jónasson dómara. Ólafur Ingi er á leið í tveggja leikja bann þar sem þetta var annað rauða spjaldið hans á tímabilinu.

Hér að neðan má hlusta á Innkastið og sjá fleiri myndir af markinu í gær.