Nigel Pearson var óvænt rekinn frá Watford í gær en hann er þriðji stjórinn sem fær sparkið hjá félaginu á þessu tímabili á eftir Javi Gracia og Quique Sanchez Flores.

Sky Sports segir að rifrildi milli Pearson og Gino Pozzo, eiganda Watford, hafi orðið til þess að ákveðið var að skipta um stjóra.

Pozzo er ósáttur við liðsval, skiptingar og frammistöðu Watford undanfarnar vikur eftir að fótboltinn byrjaði á rúlla á ný eftir hlé vegna kórónaveirunnar.