Það er mánudagur og enn og aftur er Cristiano Ronaldo að setja met en hann er fyrsti leikmaðurinn í sögunni sem hefur skorað 50 mörk eða meira í ensku, ítölsku og spænsku deildinni.
Ronaldo gerði bæði mörk Juventus í 2-1 sigri liðsins á Lazio í kvöld en hann er nú kominn með 30 mörk í 30 deildarleikjum á tímabilinu.
Árangur hans á þessari leiktíð er magnaður en tólf af þessum mörkum hafa komið úr vítaspyrnu.
Hann er fljótasti leikmaðurinn til að skora 50 mörk í Seríu síðan 1995 en Ronaldo er kominn með 51 mark í 61 deildarleik.
Þá er hann fyrsti leikmaðurinn í sögunni sem nær þeim merka áfanga að skora 50 mörk í ensku, ítölsku og spænsku deildinni.
Það virðist vera nóg eftir á tankinum hjá Ronaldo þrátt fyrir að hann sé orðinn 35 ára gamall.
Athugasemdir