Sandra Nabweteme er farin í FH
Miranda Smith og Sandra Nabweteme eru farnar frá Þór/KA og leika ekki meira með liðinu á tímabilinu.
Miranda, sem er frá Kanada, spilaði sex leiki með liðinu í deild- og bikar en hefur nú verið leyst undan samningi og heldur til síns heima í Kanada.
Nabweteme er landsliðskona frá Úganda en hún hefur spilað átta leiki og skorað þrjú mörk fyrir Þór/KA í sumar.
Hún fer á láni til FH í Lengjudeildinni og spilar með liðinu út tímabilið en FH er í baráttu um að komast aftur upp í Pepsi Max-deildina.
Athugasemdir
