Dimitrije Cokic var atkvæðamestur heimamanna í Þorlákshöfn með tvennu en Jón Arnar Barðdal skoraði einnig tvennu fyrir KFG sem var lengi vel á lífi í viðureigninni. Þá tókst Stefan Dabetic að skora í bæði mörkin.

Ægismenn eru með sex stiga forystu á toppi deildarinnar eftir sigurinn en Haukar geta stytt bilið niður í þrjú stig. Þeir eru þessa stundina að spila heimaleik við Dalvík/Reyni.

Grótta deilir öðru sætinu með Haukum í bili eftir sigur á útivelli gegn Hetti/Hugin. Þar skoruðu Kristófer Dan Þórðarson og Marciano Aziz bæði mörk leiksins með stuttu millibili í fyrri hálfleik.

Þróttur Vogum er einnig í þessu öðru sæti þar sem liðin þrjú eru jöfn með 23 stig. Vogamenn fengu kjörið tækifæri til að halda í við topplið Ægis í dag en þeir töpuðu afar óvænt á heimavelli gegn Kára.

Sigurður Hrannar Þorsteinsson skoraði eina mark leiksins á 76. mínútu og kemur þessi sigur sér ótrúlega vel fyrir Kára í fallbaráttunni. Liðið er ennþá í fallsæti en einungis á markatölu.

Að lokum hafði Víkingur Ólafsvík betur á heimavelli gegn botnliði Víðis frá Garði. Ólsarar eru um miðja deild, þó aðeins fjórum stigum frá öðru sætinu.

Ægir 6 - 3 KFG
0-1 Jón Arnar Barðdal ('3 )
1-1 Dimitrije Cokic ('12 )
2-1 Atli Rafn Guðbjartsson ('21 )
3-1 Bilal Kamal ('26 )
3-2 Stefan Dabetic ('59 , Sjálfsmark)
4-2 Dimitrije Cokic ('61 )
5-2 Bjarki Rúnar Jónínuson ('78 )
6-2 Stefan Dabetic ('82 )
6-3 Jón Arnar Barðdal ('86 )

Höttur/Huginn 0 - 2 Grótta
0-1 Kristófer Dan Þórðarson ('35 )
0-2 Marciano Aziz ('37 )
Rautt spjald: ,Grímur Ingi Jakobsson , Grótta ('90)
Rautt spjald: Stefán Ómar Magnússon , Höttur/Huginn ('90)

Þróttur V. 0 - 1 Kári
0-1 Sigurður Hrannar Þorsteinsson ('76 )
Rautt spjald: Finnbogi Laxdal Aðalgeirsson , Kári ('90)

Víkingur Ó. 4 - 2 Víðir
0-1 Markús Máni Jónsson ('10 )
1-1 Hektor Bergmann Garðarsson ('38 )
2-1 Asmer Begic ('53 )
3-1 Luke Williams ('67 )
4-1 Ingvar Freyr Þorsteinsson ('80 )
4-2 Markús Máni Jónsson ('87 )