Svo gæti farið að Claudio Bravo, varamarkvörður Manchester City, verði frá allt tímabilið. Hann sleit hásin á æfingu í dag.
Hinn 35 ára gamli Bravo fór í rannsóknir í Manchester til að staðfesta meiðslin en hann flýgur svo til Barcelona í frekari rannsóknir á fimmtudag. Þegar leikmenn Manchester City lenda í slæmum meiðslum þá fara þeir yfirleitt alltaf til Barcelona og hitta góðan séfræðing þar.
Þessi meiðsli Bravo þýða það að City þarf að treysta á hinn tvítuga Daniel Grimshaw til að vera til vara fyrir Ederson. Grimshaw hefur ekki leikið aðalliðsleik.
Manchester City seldi markverðina Angus Gunn, til Southampton, og Joe Hart til Burnley í sumar.
Meiðsli Bravo eru ekki þau einu sem eru að hrjá Man City þessa stundina því Kevin de Bruyne verður líka frá næstu mánuðina.
Claudio Bravo could miss the season with a serious injury picked up in training today https://t.co/jaFZeYvbNA
— Sam Lee (@Sammy_Goal) August 20, 2018
Athugasemdir