Sænska félagið Norrköping hefur sent rússneska félaginu CSKA Moskvu gagntilboð eftir tilboð félagsins í Arnór Sigurðsson í síðustu viku. Fótbolti.net hefur heimildir fyrir þessu.
CSKA er nú að skoða hvort félagið gangi að gagntilboðinu eða ekki.
CSKA er nú að skoða hvort félagið gangi að gagntilboðinu eða ekki.
Sænskir fjölmiðlar sögðu frá tilboði frá Rússlandi í Arnór í síðustu viku og sagt var að um metsölu yrði að ræða ef Norrköping myndi selja hann.
Expressen segir að tilboðið í síðustu hljóði upp á 30 milljónir sænskra króna (355 milljónir íslenskra króna) og gæti hækkað upp í 40 milljónir. Norrköping hefur nú svarað með gagntilboði.
Arnór er 19 ára vængmaður, uppalinn Skagamaður, sem hefur verið að gera frábæra hluti í sænsku deildinni. Hann er með þrjú mörk í sextán leikjum.
CSKA endaði í öðru sæti deildarinnar í fyrra en landsliðsmaðurinn Hörður Björgvin Magnússon er meðal leikmanna liðsins.
Norrköping seldi nýlega Jón Guðna Fjóluson til Rússlands en hann gekk í raðir Krasnodar.
Athugasemdir