Viðvörunarbjöllur hringja á skrifstofu Real Madrid eftir dapra mætingu á heimaleik gegn Getafe í gær.
Minni spenna virðist fyrir Real Madrid en oftast áður, meðal annars þar sem langskærasta stjarna liðsins síðustu ár, Cristiano Ronaldo, er horfinn á braut. Leikvangurinn var aðeins hálfsetinn gegn Getafe en Real vann leikinn 2-0.
Minni spenna virðist fyrir Real Madrid en oftast áður, meðal annars þar sem langskærasta stjarna liðsins síðustu ár, Cristiano Ronaldo, er horfinn á braut. Leikvangurinn var aðeins hálfsetinn gegn Getafe en Real vann leikinn 2-0.
Aðeins 48.466 áhorfendur voru á fyrsta leik Real Madrid á tímabilinu.
Síðast þegar Real spilaði fyrir framan svona fáa áhorfendur á Santiago Bernabeu var síðasti heimaleikur tímabilsins 2008-09. Um sumarið ákvað síðan Real Madrid að slá heimsmet með kaupum á Ronaldo frá Manchester United, í júní 2009.
Ronaldo var næstu níu ár hjá félaginu og vann Meistaradeildina fjórum sinnum og spænska meistaratitilinn tvívegis.
Real Madrid hefur ekki fengið inn nýjan kraft í sóknarleikinn eftir brotthvarf Ronaldo. Enginn getur fyllt hans skarð algörlega en hann gerði 450 mörk í 438 leikjum fyrir Real Madrid. Marco Asensio, Karim Benzema og Gareth Bale voru í fremstu víglínu í gær.
Brotthvarf Ronaldo er samt ekki eini þátturinn í því að svona mörg tóm sæti voru á Bernabeu. Leikurinn var seint að kveldi og það hindraði marga yngri stuðningsmenn í að mæta. Þá var enginn nýr leikmaður í byrjunarliði Real Madrid og því engin „ný andlit í sýningunni".
Stuðningsmenn þurfa að bíða í allavega viku eftir að sá Thibaut Courtois sem valinn var besti markvörður HM. Þá var hinn ungi og spennandi Vinicius Junior á bekknum.
Athugasemdir