20.08.21 - 12:28
Elvar Geir Magnússon
Katrín grímulaus í stúkunni - Hélt að það væri ekki grímuskylda á leikjum utandyra
Katrín á landsleik á Laugardalsvelli, áður en Covid skall á!
Mynd: Fótbolti.net - Hafliði Breiðfjörð
Katrín á landsleik á Laugardalsvelli, áður en Covid skall á!
Mynd: Fótbolti.net - Hafliði Breiðfjörð
<i>„Forsætisráðherrann Katrín Jakobsdóttir átti heldur ekki góðan dag þar sem hún mætti á völlinn en gleymdi grímunni,"</i> skrifaði Alexandra Bía Sumarliðadóttir í <a href="https://www.fotbolti.net/game.php?action=view_article&id=4916" target="_blank">umfjöllun Fótbolta.net</a> um leik KR og Víkings í Lengjudeild kvenna.
Katrín hefur viðurkennt mistök. Grímuskylda er á fótboltaleikjum en hún hélt að svo væri ekki.
Katrín hefur viðurkennt mistök. Grímuskylda er á fótboltaleikjum en hún hélt að svo væri ekki.
„Ég hreinlega ætla að viðurkenna að mig misminnti," sagði Katrín í hádegisfréttum RÚV.
„Ég taldi satt að segja að íþróttaviðburðir utandyra þar sem fjarlægð er tryggð, og hún var algjörlega tryggð á þessum leik þar sem voru ekki sérlega margir gestir og við vorum utandyra, þá minnti mig hreinlega að það væri ekki grímuskylda á íþróttaviðburðum utandyra. Það var misminni og mér þykir mjög leiðinlegt að hafa brotið reglur með þessum hætti."
„Ég taldi satt að segja að íþróttaviðburðir utandyra þar sem fjarlægð er tryggð, og hún var algjörlega tryggð á þessum leik þar sem voru ekki sérlega margir gestir og við vorum utandyra, þá minnti mig hreinlega að það væri ekki grímuskylda á íþróttaviðburðum utandyra. Það var misminni og mér þykir mjög leiðinlegt að hafa brotið reglur með þessum hætti."
