banner
   lau 20. október 2018 22:30
Sigurður Eyjólfur Sigurjónsson
Salah: Þetta var erfitt
Mynd: Getty Images
Mo Salah var á skotskónum þegar Liverpool sigraði Huddersfield 0-1 í kvöld.

Salah sagði í viðtali eftir leikinn að verkefnið hafi verið erfitt.

„Þetta var erfitt en við náðum í stigin þrjú og það er það allra mikilvægasta. Við þurftum að hafa mikið fyrir þessu en við vissum að þetta yrði erfitt."

Salah skoraði sitt 50. mark í enskum fótbolta í dag.

„Þetta er góð tilfinning, en það allra mikilvægasta er að hjálpa liðinu að ná að vinna. Ég hef ekki miklar áhyggjur af því þegar ég er ekki að skora, það sem skiptir öllu máli er liðið, á meðan ég get hjálpað liðinu við að ná góðum úrslitum þá hef ég engar áhyggjur," sagði Salah.
Athugasemdir
banner
banner
banner
banner