Carragher hissa á brottrekstri Pochettino: Tímasetningin mjög skrýtin

Rekinn frá Tottenham.

Mynd: Getty Images

Rekinn frá Tottenham.

Mynd: Getty Images

<i>„Þetta er mikið áfall. Það er engin spurning að Spurs hefur byrjað tímabilið illa og gengið illa í úrvalsdeildinni árið 2019 en ég tel að starfið sem Mauricio Pochettino hefur unnið sé ótrúlegt,"</I> sagði Jamie Carragher, sérfræðingur á Sky, eftir að Pochettino var rekinn frá Tottenham í gærkvöldi.

Tottenham hefur átt erfitt uppdráttar á þessu tímabili og Pochettino var rekinn í gær þrátt fyrir að hafa fyrr á þessu ári komið liðinu í úrslitaleik Meistaradeildarinnar. Jose Mourinho hefur tekið við liðinu í hans stað.

„Tímasetningin er mjög skrýtin. Ég er hissa á því að hann sé rekinn og þegar ég heyrði fréttirnar fyrst þá hélt ég að um sameiginlega ákvörðun væri að ræða," sagði Carragher.

„Sú staðreynd að hann var rekinn gerir þetta mjög skrýtið og mér finnst þetta vera rugl miðað við starfið sem hann hefur unnið."

„Ég tel að hann hefði átt að fá tíma út tímabilið til að reyna að koma Tottenham aftur þar sem félagið á að vera og Tottenham á ekki endilega að vera í topp fjórum."

„Ég er ekki að reyna að gera lítið úr þeim en miðað við fjármagn þá er það ótrúlegt hvað Pochettino hefur náð að gera fyrir félagið. Tottenham ætti að vera topp sex félag en hann hefur gert félagið að topp fjögur félagi og það vann næstum titlinn og vann næstum Meistaradeildina."

„Fólk getur sagt að hann hafi ekki unnið titil en miðað við það sem hann er með í höndunum, stærð hópsins, þá sýnir það hæfileika Pochettino sem stjóra. Hann verðskuldaði klárlega að klára tímabilið og reyna að ná eins nálægt Meistaradeildarsæti og hægt væri."

Premier league - karlar

#	Lið	L	mun	Stig
1	Arsenal	10	+10	27
2	Man City	10	+8	21
3	Brighton	9	+17	19
4	Chelsea	9	+4	16
5	Everton	10	+2	16
6	Liverpool	9	+2	15
7	Brentford	9	+7	14
8	Leeds	10	+2	14
9	Bournemouth	9	+1	12
10	Tottenham	10	-1	12
11	Aston Villa	9	-3	12
12	Newcastle	10	-3	12
13	Hull City	10	0	11
14	Ipswich Town	9	-4	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	9	-5	7
19	Crystal Palace	9	-12	7
20	Sunderland	9	-10	5