20.11.22 - 23:30
Ívan Guðjón Baldursson
Joe Allen ekki með gegn Bandaríkjunum
Mynd: Getty Images
Mynd: Getty Images
Wales mætir Bandaríkjunum í fyrstu umferð riðlakeppni HM í dag og er búist við spennandi viðureign tveggja landsliða sem hafa aldrei áður mæst í keppnisleik.
Miðjumaðurinn Joe Allen er lykilmaður á miðjunni hjá Wales og missir af leiknum gegn Bandaríkjunum sem fer fram annað kvöld í Al-Rayyan.
Hinn 32 ára Allen hefur verið meiddur síðan í september en náði að æfa vel með samherjunum fyrir helgi. Öll þjóðin vonast til að Allen nái sér sem fyrst, helst í tæka tíð fyrir stórleikinn og nágrannaslaginn gegn Englandi.
Allen, sem leikur með Swansea á Englandi, á 72 landsleiki að baki fyrir Wales.
