Björn Berg í leik með Grindavík í sumar.
Björn Berg Bryde er að ganga til liðs við HK samkvæmt heimildum Fótbolta.net.
Björn Berg sem er 27 ára gamall miðvörður æfði með HK í kvöld og verður lánaður til HK en þar leysir hann stöðu fyrirliðans Guðmundar Júlíussonar sem missir af tímabilinu vegna meiðsla.
Björn Berg sem er 27 ára gamall miðvörður æfði með HK í kvöld og verður lánaður til HK en þar leysir hann stöðu fyrirliðans Guðmundar Júlíussonar sem missir af tímabilinu vegna meiðsla.
Björn Berg var mjög góður með Grindavík í sumar og gekk að tímabilinu loknu til liðs við Stjörnuna og gerði þriggja ára samning.
Stjarnan var fyrir með Daníel Laxdal og Brynjar Gauta Guðjónsson í miðvarðarstöðunni og eftir að Björn Berg kom fengu þeir líka Martin Rauschenberg frá Brommapojkarna.
Hann hefur verið lykilmaður í vörn Grindavíkur undanfarin ár eftir að hafa gengið til liðs við félagið árið 2012. Hann hefur alls spilað 126 meistaraflokksleiki og skorað sjö mörk.
HK sem spilar í Pepsi-deildinnni í sumar á leik gegn Aftureldingu í Lengjubikarnum annað kvöld. Til að Björn Berg nái leikheimild fyrir þann leik þarf að skila félagaskiptum til KSÍ fyrir miðnætti.
Athugasemdir
