Klopp var ósáttur með störf Friend í seinni hálfleiknum. Hann sagði að öll vafaatriði hefðu fallið með West Ham í seinni hálfleiknum og að dómarinn hefði reynt að jafna út mistökin í marki Liverpool, sem hefði ekki átt að standa.

„Markið okkar var víst rangstaða og kannski vissi dómarinn það í seinni hálfleiknum. Hann hlýtur að hafa fengið að vita það í hálfleik, það voru margar skrýtnar ákvarðanir í seinni hálfleik. Engar stórar ákvarðarnir, bara ákvarðanir sem breyttu takti leiksins," var meðal þess sem Klopp lét frá sér.

Enska knattspyrnusambandið ákærði Klopp og hann var sektaður í dag. Hins vegar slapp hann með leikbann.