mið 21. mars 2018 16:15
Magnús Már Einarsson
Fjórar barnshafandi hjá Val
Dóra María að koma til baka eftir meiðsli
Pétur Pétursson þjálfari Vals, Elísa Viðarsdóttir, Margrét Lára Viðarsdóttir og Andri Steinn Birgisson aðstoðarþjálfari.
Pétur Pétursson þjálfari Vals, Elísa Viðarsdóttir, Margrét Lára Viðarsdóttir og Andri Steinn Birgisson aðstoðarþjálfari.
Mynd: Valur.is
Vesna Elísa Smiljkovic fagnar marki í fyrra.
Vesna Elísa Smiljkovic fagnar marki í fyrra.
Mynd: Fótbolti.net - Hafliði Breiðfjörð
Fjórir leikmenn í kvennaliði Vals eru barnshafandi og óvíst er hversu mikið þær verða með á þessu tímabili. Landsliðskonurnar og systurnar Elísa og Margrét Lára Viðarsdóttur eru báðar óléttar eins og kom fram í lok síðasta árs en þær eiga von á börnum nú í vor.

Elísa og Margrét slitu báðar krossband á síðasta ári en hafa unnið sig til baka eftir þau meiðsli.

Pétur Pétursson, þjálfari Vals, vonast til að Elísa og Margrét komi báðar eitthvað við sögu í sumar ef vel gengur.

„Ég á von á því að Elísa og Margrét Lára spili eitthvað, Margrét þá seint í sumar. Þetta er samt allt spurningamerki ennþá," sagði Pétur við Fótbolta.net í dag.

Hlíf Hauksdóttir og Vesna Elísa Smiljkovic eru einnig barnshafandi. Vesna skoraði sjö mörk í sextán leikjum í Pepsi-deidlinni í fyrra og Hlíf eitt mark í tólf leikjum.

Mist Edvardsdóttir, sleit krossband í annað skipti á einu ári á dögunum og verður ekki með Val í sumar vegna þeirra meiðsla.

Dóra María Lárusdóttir er hins vegar að hefja æfingar með Val að nýju eftir að hafa slitið krossband í landsleik í fyrra. Að sögn Péturs er möguleiki á að hún snúi aftur á fótboltavöllinn í maí ef allt gengur upp.

Pétur tók við þjálfun Vals síðastliðið haust en í dag var greint frá því að þrír erlendir leikmenn eru á leið til félagsins til að styrkja hópinn.

Sjá einnig:
Valur að fá þrjá erlenda leikmenn
Athugasemdir
banner
banner
banner
banner