Umræða hefur verið um hvernig gervigrasið leggst í fyrirliða Ísland, Aron Einar Gunnarsson.

433.is birti líklegt byrjunarlið þar sem Aron var ekki í liðinu vegna þess undirlags sem er á þjóðarleikvangi Andorra.

Aron var spurður út í málið á fréttamannafundi í dag en hann vildi ekkert gefa upp.

„Standið er fínt. Mér líður vel. Þetta á eftir að koma í ljós á morgun. Ég ætla ekki að gefa út neitt núna um það hvort ég byrji eða ekki. Þjálfarinn ræður því," sagði Aron.

Hér má sjá myndir frá æfingunni sem er nýlokið, Hafliði Breiðfjörð tók þær. Þá minnum við á að hægt er að fylgjast með bak við tjöldin hjá Fótbolta.net á Instagram.