Marcus Rashford er farinn aftur til Manchester United en hann verður ekki með enska landsliðinu í komandi leikjum gegn Tékklandi og Svartfjallalandi í undankeppni EM.
Gareth Southgate, landsliðsþjálfari Englands, segir að það verði ekki kallaður inn nýr leikmaður í hópinn.
Gareth Southgate, landsliðsþjálfari Englands, segir að það verði ekki kallaður inn nýr leikmaður í hópinn.
Rashford kenndi sér meins í ökkla og æfði því einn með sjúkraþjálfurum enska landsliðsins í morgun. Þetta eru sömu meiðsli og hann varð fyrir gegn Liverpool í febrúar.
Annars er það að frétta úr herbúðum enska landsliðsins að Southgate ætlar að halda áfram að leggja traust sitt á markvörðinn Jordan Pickford. Staðfest er að Pickford verður í markinu gegn Tékkum annað kvöld en hann hefur fengið talsverða gagnrýni fyrir slaka frammistöðu með Everton.
Athugasemdir