Willian kom til Chelsea árið 2013 frá Anzhi Makhachkala. Hann vonast til þess að geta verið lengur hjá Chelsea.

„Ég á bara eitt ár eftir af samningi en ég vil spila lengur fyrir þetta félag. Ég veit ekki hvort að þeir vilji semja aftur við mig en ég vil vera hér áfram, það er engin spurning," segir Willian.

„Þetta félag á sérstakan stað í hjarta mínu. Ég hef unnið titla hér, stuðningsmennirnir og starfsmennirnir bera virðingu fyrir mér og ég geri slíkt hið sama."

Samningamál Willian og Chelsea hafa svolítið fallið í skuggan á Eden Hazard og hans málum. Hann gæti verið á leiðinni burt frá félaginu í sumar.