Fótbolti.net

sun 21. apríl 2019 16:55

Arnar Helgi Magnússon

England: Þolinmæðisverk hjá Liverpool - Arsenal tapaði á Emirates

Það tók Liverpool tæpar fimmtíu mínútur að brjóta ísinn gegn Cardiff þegar liðin mættust í ensku úrvalsdeildinni í dag. Sannkallað þolinmæðisverk.

Markalaust var eftir fyrri hálfleikinn og klöppuðu stuðningsmenn Cardiff fyrir liðinu þegar leikmennirnir gengu til búningsklefa eftir 45 mínútur.

Gini Wijnaldum braut ísinn eftir rúmar tíu mínútur af síðari hálfleik. Trent Alexander-Arnold tók þá hornspyrnu sem var greinilega beint af æfingasvæðinu en boltinn kom meðfram jörðinni og Gini hitti boltann fullkomnlega og kom Liverpool yfir.

Sean Morrison hefði auðveldega getað jafnað fyrir Cardiff á 64. mínútu þegar hann fékk frían skalla fyrir opnu marki. Óskiljanlegt að boltinn hafi ekki farið inn.

Morrison var ekki búinn að syngja sitt síðasta í leiknum en hann braut á Mo Salah innan vítateigs þegar tæpar tíu mínútur voru eftir. Klárt brot. James Milner fór á punktinn og skoraði af miklu öryggi.

Dýrmæt þrjú stig fyrir Liverpool sem er nú í toppsæti ensku úrvalsdeildarinnar. Útlitið er aftur á móti orðið dökkt fyrir Aron Einar og félaga í Cardiff.

Palace fór með stigin þrjú af Emirates
Óvænt úrslit urðu þegar Crystal Palace heimsótti Arsenal í nágrannaslag.

Christian Benteke kom Crystal Palace yfir á 17. mínútu þegar hann skallaði boltann í netið eftir sendingu frá Luka Milivojević. Afskaplega dapur varnarleikur hjá Arsenal en Benteke var einn á auðum sjó í teig Arsenal.

Mezut Özil jafnaði fyrir Arsenal í upphafi síðari hálfleiks þegar hann fékk sendingu frá Lacazette inn fyrir vörn Palace. Þrátt fyrir að vera í þröngu færi náði Özil að setja boltann framhjá Vicent Guita.

Zaha kom Palace yfir á nýjan leik þegar Christian Benteke flikkaði boltanum aftur fyrir sig, Mustafi ætlaði að skýla boltanum en Zaha komst fram fyrir hann og setti boltann framhjá Leno í marki Arsenal.

James McArthur skoraði þriðja mark Palace áður en að Pierre-Emerick Aubameyang minnkaði muninn. Lengra komst Arsenal ekki og 2-3 sigur Crystal Palace staðreynd. Óvænt.

Arsenal 2 - 3 Crystal Palace
0-1 Christian Benteke ('17 )
1-1 Mesut Ozil ('47 )
1-2 Wilfred Zaha ('61 )
1-3 James McArthur ('69 )
2-3 Pierre Emerick Aubameyang ('77 )

Cardiff City 0 - 2 Liverpool
0-1 Georginio Wijnaldum ('56 )
0-2 James Milner ('81 , víti)

		L	U	J	T	ms:	mf:	mun	Stig
1	Arsenal	34	22	7	5	64	26	+38	73
2	Man City	33	21	7	5	66	29	+37	70
3	Man Utd	34	17	10	7	60	46	+14	61
4	Liverpool	34	17	7	10	57	44	+13	58
5	Aston Villa	34	17	7	10	47	42	+5	58
6	Brighton	34	13	11	10	48	39	+9	50
7	Bournemouth	34	11	16	7	52	52	0	49
8	Chelsea	34	13	9	12	53	45	+8	48
9	Brentford	34	13	9	12	49	46	+3	48
10	Fulham	34	14	6	14	44	46	-2	48
11	Everton	34	13	8	13	41	41	0	47
12	Sunderland	34	12	10	12	36	45	-9	46
13	Crystal Palace	33	11	10	12	36	39	-3	43
14	Newcastle	34	12	6	16	46	50	-4	42
15	Leeds	34	9	13	12	44	51	-7	40
16	Nott. Forest	34	10	9	15	41	45	-4	39
17	West Ham	34	9	9	16	42	58	-16	36
18	Tottenham	34	8	10	16	43	53	-10	34
19	Burnley	34	4	8	22	34	68	-34	20
20	Wolves	34	3	8	23	24	62	-38	17