Mourinho-laust Tottenham mætir til leiks í ensku úrvalsdeildinni er liðið fær Southampton í heimsókn núna klukkan 17:00. Jose Mourinho var rekinn frá Tottenham fyrr í vikunni og mun Ryan Mason stýra því út tímabilið. Mason, sem er fæddur 1991, er fyrrum leikmaður Spurs.

Tottenham situr í sjöunda sæti, hefur ekki unnið deildarleik síðan þann 21. mars er liðið vann Aston Villa 0-3 á Villa Park.

Mason gerir þrjár breytingar á liðinu sem byrjaði síðasta leik Mourinho fyrir fimm dögum. Stærstu fréttirnar eru þær að Harry Kane er meiddur og því ekki með. Hann skoraði bæði mörk Spurs í 2-2 jafnteflinu gegn Everton.

Uppfært: Ryan Mason segir að meiðsli Kane séu ekki alvarleg og vonast til að hann snúi aftur til æfinga í lok vikunnar.

Gareth Bale, Giovani Lo Celso og Lucas Moura koma allir inn í byrjunarlið Tottenham.

Ralph Hasenhuttl, stjóri Southampton, gerir fimm breytingar á liðinu sem byrjaði tapleikinn gegn Leicester í undanúrslitum FA-bikarsins. Ryan Bertrand er ekki með og þeir Fraser Forster, Nathan Redmond, Moussa Djenepo og Ibrahima Diallo eru settir á bekkinn.

Alex McCarthy byrjar í markinu og þá koma Mohammed Salisu, Nathan Tella, Theo Walcott og Che Adams einnig inn.

Byrjunarlið Tottenham: Lloris, Aurier, Alderweireld, Dier, Reguilon, Hojbjerg, Lo Celso Ndombele, Bale, Son, Moura

(Varamenn: Hart, Sanchez, Winks, Lamela, Sissoko, Alli, Bergwijn, Tanganga, Vinicius)

Byrjunarlið Southampton McCarthy, Walker-Peters, Vestergaard, Bednarek, Salisu, Tella, Ward-Prowse, Armstrong, Walcott, Ings, Adams

(Varamenn: Forster, Stephens, Redmond, Djenepo, Minamino, Diallo, N'Lundulu, Ferry, Jankewitz)

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit