England í dag - Man Utd á Wembley og fjórir leikir í deildinni

Man Utd á erfiðan leik fyrir höndum. Liðið vann Liverpool í 8-liða úrslitum en það getur oft verið snúið að spila gegn liðum í neðri deildum.

Coventry er í 8. sæti B-deildarinnar og í baráttu um að komast í umspil á meðan United heldur í veika von um að komast í Meistaradeild á næstu leiktíð.

Leikurinn hefst klukkan 14:30.

Fjórir leikir eru þá í 34. umferð ensku úrvalsdeildarinnar. Everton tekur á móti Nottingham Forest á Goodison Park klukkan 12:30. Everton og Forest eru hlið við hlið á töflunni en Everton er í 16. sæti með 27 stig á meðan Forest er með 26 stig í 17. sæti.

Deildin hefur dregið stig af báðum liðum vegna brota á fjárhagsreglum.

Aston Villa mætir Bournemouth á Villa-Park. Villa er í 4. sæti sem stendur með 63 stig, þremur meira en Tottenham sem er í 5. sæti, en Tottenham á leik til góða. Það er því pressa á Villa að vinna þá leiki sem eftir eru.

Crystal Palace mætir West Ham áður en Fulham tekur á móti Liverpool. Lærisveinar Jürgen Klopp eru að ganga í gegnum erfiðan kafla. Það datt úr leik í Evrópudeildinni á dögunum og er sem stendur í 3. sæti með 71 stig, tveimur stigum frá toppliði Manchester City.

Leikir dagsins:

ENGLAND: Premier League
12:30 Everton - Nott. Forest
14:00 Aston Villa - Bournemouth
14:00 Crystal Palace - West Ham
15:30 Fulham - Liverpool

ENGLAND: FA Cup
14:30 Coventry - Man Utd