Milinkovic-Savic er 24 ára gamall og hefur verið einn besti leikmaður ítölsku deildarinnar síðustu ár.

Frammistaða hans hefur vakið verðskuldaða athygli og hefur Juventus sýnt honum mikinn áhuga frá því á síðasta ári.

Juventus er í viðræðum við leikmanninn en á eftir að ná samkomulagi við Lazio um kaupverðið.

Claudio Lotito, forseti Lazio, vill fá 100 milljónir evra fyrir þjónustu hans en Juventus er tilbúið að greiða allt að 90 milljónir evra.

Þetta yrði mikill fengur fyrir Juventus sem er farið að undirbúa næsta tímabil.

Liðið vann ítölsku deildina sannfærandi þetta árið og var það áttunda árið í röð sem liðið vinnur deildina.