banner
   fim 21. júní 2018 09:43
Fótbolti.net
Líklegt byrjunarlið Íslands - Instagram stjarnan inn?
Ísland-Nígería á morgun
Icelandair
Rúrik Gíslason á æfingu í Volgograd í dag.
Rúrik Gíslason á æfingu í Volgograd í dag.
Mynd: Fótbolti.net - Hafliði Breiðfjörð
Landsliðið á æfingu í Volgograd í dag.
Landsliðið á æfingu í Volgograd í dag.
Mynd: Fótbolti.net - Hafliði Breiðfjörð
Spennan magnast fyrir leik Íslands og Nígeríu sem fer fram í Volgograd klukkan 15:00 á morgun.

Jóhann Berg Guðmundsson meiddist á kálfa í leiknum gegn Argentínu um síðustu helgi og æfði ekki með íslenska liðinu á Volgograd leikvanginum í dag.

Fótbolti.net spáir því að Instagram stjarnan Rúrik Gíslason komi inn í liðið í hans stað en Rúrik kom inn á sem varamaður fyrir Jóhann gegn Argentínu.

Að öðru leyti reiknar Fótbolti.net með sama byrjunarliði og gegn Argentínu. Ísland spilaði 4-4-2 gegn Gana í vináttuleik fyrir mót en sökum þess hversu vel gekk gegn Argentínu, og að Nígería verður að sækja af krafti, þá reiknar Ísland með 4-4-1-1 líkt og gegn Argentínu.

Leikur Íslands og Nígeríu hefst klukkan 15:00 að íslenskum tíma á morgun.
Athugasemdir
banner
banner
banner