Heung-Min Son leikmaður Tottenham segir að liðið vilji meira þrátt fyrir að lenda í fjórða sæti í deildinni og komast í úrslit Meistaradeildarinnar.
Tímabil Tottenham endaði ekki beint með stæl þegar liðið tapaði fyrir Liverpool í úrslitum Meistaradeildarinnar.
Son segir þó að leikmenn Tottenham eigi eftir að notfæra sér þessi vonbrigði og munu þeir koma sterkari inn í næsta tímabil.
„Ég tel þetta hafa verið frábært tímabil, margar frábærar minningar en líka einhver vonbrigði, sagði Son í viðtali við Tottenham. „En við getum samt verið stoltir."
Son mun vera í banni í fyrstu tveim leikjum Tottenham á næsta tímabili þegar liðið fær nýliða Aston Villa í heimsókn og þegar Spurs heimsækir meistara Mamchester City.
Athugasemdir
