Siggi Dúlla, liðsstjóri Íslands, er alltaf með nóg af vatni.
Leikmannasamtökin Fifpro telja að gera eigi fjögur vatnshlé í leikjum Afríkukeppninnar. Mótið fer af stað í kvöld þegar gestgjafarnir í Egyptalandi leika opnunarleik gegn Simbabve.
Knattspyrnusamband Afríku hyggst vera með tvö vatnshlé í hverjum leik í keppninni en Fifpro vill tvöfalda þann fjölda.
Spáð er að hitastigið muni ná upp í allt að 40 gráður meðan á mótinu stendur.
Knattspyrnusamband Afríku hyggst vera með tvö vatnshlé í hverjum leik í keppninni en Fifpro vill tvöfalda þann fjölda.
Spáð er að hitastigið muni ná upp í allt að 40 gráður meðan á mótinu stendur.
„Heilsa og öryggi leikmanna verða að koma í fyrsta sæti," segir Fifpro.
Áætlað er að vatnshlé verði á 30. og 70. mínútu en Fifpro vill einnig hlé á 15. og 60. mínútu.
Sjö af leikjum riðlakeppninnar verða í Kaíró, Alexandríu og Súes en þær borgir eru á heitustu og rökustu svæðum landsins.
Fifpro vill einnig að knattspyrnusamband Afríku skoði það að færa til leiki sem eiga að vera leiknir þegar hitinn er sem mestur.
Athugasemdir
