Cardiff City 2 - 0 Leeds
1-0 Junior Hoilett ('35 )
2-0 Robert Glatzel ('71 )
1-0 Junior Hoilett ('35 )
2-0 Robert Glatzel ('71 )
Það er enn von fyrir Cardiff City að komast í umspil um sæti í ensku úrvalsdeildinni en liðið lagði Leeds United að velli á Cardiff City-leikvanginum í dag, 2-0.
Kanadíski leikmaðurinn Junior Hoilett kom Cardiff á bragðið á 35. mínútu með laglegu vinstri fótar skoti áður en flautað var til hálfleiks.
Robert Glatzel gerði þá sjötta mark sitt á leiktíðinni er hann tvöfaldaði forystu Cardiff á 71. mínútu.
Von Cardiff lifir því góðu lífi en liðið er með 57 stig í 7. sæti eftir 38 leiki eða janfmörg stig og Preston sem er einu sæti ofar. Leeds tapaði á meðan mikilvægum stigum í toppbaráttunni en liðið er með 71 stig og situr í 2. sæti.
Það var þá minnst Peter Wittingham fyrir leik en þessi fyrrum leikmaður Cardiff lést í slysi í mars. Íslenski landsliðsfyrirliðinn Aron Einar Gunnarsson sýndi stuðning á Twitter en þeir léku saman í átta ár hjá félaginu.
— Aron Einar (@ronnimall) June 21, 2020
Athugasemdir