Antonio Conte, þjálfari Inter á Ítalíu, vill fá Kyle Walker frá Manchester City í sumar en þetta kemur fram í ESPN í dag.
Walker, sem er 30 ára gamall, framlengdi samning sinn við City á síðasta ári en hann gildir til ársins 2024.
Hann hefur brotið reglur um samkomubann fjórum sinnum á síðustu mánuðum en talið er að hann hafi áhuga á því að breyta og leita annað.
Samkvæmt ensku miðlunum þá hefur Conte áhuga á að fá hann til Ítalíu en það eru aðeins þrjú ár frá því hann kom til City frá Tottenham á 50 milljónir punda.
Walker var í byrjunarliði City gegn Arsenal á dögunum. Hann var að glíma við meiðsli í leiknum en náði að hrista þau að af sér og klára leikinn.
Hann og Joao Cancelo hafa verið að berjast um stöðuna í liði City en Cancelo átti erfitt með að ýta Walker úr liðinu. City mun hlusta á tilboð í Cancelo en félagið hefur einnig áhuga á að fá Nelson Semedo frá Barcelona.
Athugasemdir