Keflavík byrjaði Lengjudeild kvenna á að vinna Völsung 4-0 á Húsavík í dag.

Dröfn Einarsdóttir kom gestunum yfir undir lok fyrri hálfleiks áður en Natasha Moraa Anasi gerði annað markið í upphafi síðari hálfleiks.

Natasha var öflug með Keflvíkingum á síðustu leiktíð þar sem hún gerði sex mörk í sautján leikjum. Árið áður var hún með 13 mörk í Inkasso-deildinni og ljóst að hún á eftir að vera mikilvæg í sumar.

Amelía Rún Fjeldsted gerði þriðja markið á 75. mínútu áður en Natasha rak síðasta naglann í kistu Völsungs fimm mínútum fyrir leikslok.

4-0 sigur Keflvíkinga staðreynd og fyrstu stig liðsins í hús.