sun 21. júní 2020 11:01
Magnús Már Einarsson
Mbappe til Liverpool í stað Mane?
Powerade
Sadio Mane.
Sadio Mane.
Mynd: Getty Images
Leon Bailey.
Leon Bailey.
Mynd: Getty Images
Ensku slúðurblöðin eru í miklu stuði þennan sunnudaginn. Kíkjum á slúðrið.



Juventus hefur ákveðið að blanda sér í baráttuna um Raul Jimenez (29) framherja Wolves en Manchester United og Real Madrid hafa einnig áhuga. (Mail)

Sadio Mane (28) gæti farið til PSG í skiptum fyrir Kylian Mbappe (21). (Sun on Sunday)

Inter vill fá Kyle Walker (30) hægri bakvörð Manchester City. (Sun on Sunday)

Edinson Cavani (33) og Thomas Meunier (28) ætla ekki að framlengja samninga sína við PSG en þeir renna út um mánaðarmót. Þeir missa því af Meistaradeildinni með liðinu í ágúst. (Mail on Sunday)

Chelsea, Manchester City og Manchester United hafa öll áhuga á Leon Bailey (22) kantmanni Bayer Leverkusen en þýska félagið er með 40 milljóna punda verðmiða á honum. (Mail on Sunday)

Manchester United hefur fengið þau skilaboð að félagið verði að borga 355 milljónir punda til að fá Ansu Fati (17) frá Barcelona. (Sunday Express)

Manchester United vill gera nýjan samning við markvörðinn Dean Henderson (23). Henderson hefur verið í láni hjá Sheffield United en Chelsea hefur áhuga á honum. (Sun on Sunday)

Chelsea hefur hafnað tilboði frá Juventus um að skipta á miðjumönnunum Jorginho (28) og Miralem Pjanic (30). (Sunday Express)

Dani Ceballos (23) ætlar að leika með Arsenal á láni út tímabilið. Hann fer síðan aftur til Real Madrid en framtíð hans hjá spænska félaginu er þó í óvissu. (Marca)

Arsenal hefur ákveðið að kaupa varnarmanninn Pablo Mari (26) frá Flamengo á 14 milljónir punda en hann hefur verið á láni hjá félaginu síðan í janúar. (Mail on Sunday)

Everton og Newcastle vilja fá Franck Kessie (23) miðjumann AC Milan. (Football Italia)

Andy Carroll (31) ætlar að taka eitt tímabil til viðbótar með Newcastle. (Sunday Mirror)
Athugasemdir
banner
banner
banner
banner