Valur krækti í sín fyrstu þrjú stig í Pepsi Max-deildinni í gær þegar liðið lagði Gróttu á útivelli, 0-3. Þetta er annað þriggja marka tap Gróttu í fyrstu tveimur umferðunum.

Haukur Páll Sigurðsson, fyrirliði Vals, skoraði fyrsta mark leiksins eftir hornspyrnu Kaj Leó í Bartalstovu. Kaj Leó skoraði svo sjálfur annað mark leiksins eftir undirbúning frá Aroni Bjarnasyni.

Það var svo Sigurður Egill Lárusson sem innsiglaði sigurinn þegar hann átti skot yfir Hákon Rafn Valdimarsson, markvörð Gróttu, eftir sendingu frá Einari Karli Ingvarrsyni Mörkin má sjá í spilaranum hér að neðan. Þá má að auki sjá viðtal við sjálfan Sigurð Egil en hann var spurður út í markið í viðtali eftir leik.