Kristján Guðmundsson, þjálfari Stjörnunnar, kom í viðtal eftir 3-0 sigur Stjörnunnar á ÍBV í 7. umferð Pepsi Max deildar kvenna.

„Ég er mjög ánægður með svona stóran sigur, kemur mér á óvart, ég bjóst ekki við að okkur myndi takast að vinna svona stórt, en það var margt sem gekk upp í leiknum."

Lestu um leikinn: Stjarnan 3 -  0 ÍBV

„Uppleggið var að nýta okkur þessi svæði sem okkur tókst að nýta þegar við skoruðum mörkin, sóknarlega og svo að þrýsta á þær þannig að þær fái ekki að spila eins auðveldlega út frá markinu sínu eins og þær vilja gera og það gekk svona misjafnlega, við allavega náðum að hægja á þeim."

„Mér fannst pressan ganga vel í dag og að nýta þau færi sem við fengum, aftur á móti buðum við þeim inn í leikinn í seinni hálfleik og ég er ekki alveg nógu hress með það."

Viðtalið við Kristján í heild sinni má sjá í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit